Kolla

Jæja þá er ættarmótið búið. Var í gær. Fullt af fólki sem ég þekkti ekki enda ekki mín ætt. Nóg að borða, kjöt, kaffi og köku og svo auðvitað ís fyrir börnin.
Skrýtin árátta að vera alltaf að halda ættarmót. Skyldi þetta vera séríslenskt fyrirbæri?

Jæja nú er ég búin að halda tuskukynningu fyrir vinkonurnar. Það var mikið talað og voða skemmtilegt. Það er greinilega alltaf hægt að plata mann til að kaupa eitthvert dót sem er svo sniðugt að það tuskast bara út um allt fyrir mann. Aðdáunarvert.
Ég lærði nýtt orð í dag frá tuskukynningardömunni en það hafði eitthvað komið upp á þegar hún var að "gæsast" en hún er nýgift. Mig minnir að það hafi komið blettur í teppið sem hún hreinsaði á fjórum fótum með grænu tuskunni. Hún er nefninlega alltaf með tusku í veskinu sínu ef eitthvað kemur upp á. Sniðug snót sú. Ekki meira um tuskur í dag, nóg komið.
Þeir feðgar ruku til og tóku þakgluggann í burtu svo nú gýs bara köldu lofti inn til okkur, gott loft:-) En það þarf víst að skipta um járnplöturnar í kringum hann svo við ákváðum að setja ekki nýjan í staðinn og hafa þetta einfalt. Vonandi rignir ekki í bráð:-(